Thursday, June 21, 2007

الوطن العربي و المكروباص .. فاضية جهنم فاضية فاضية

الوطن العربي عامل زي المكروباص ، مليان على الاخر و اللي بينادي اللي هم رجال الأعمال طبعا عايزه عربية سردين و ماشي بسرعة الموت ، و الغريب ان الشعب بيركب مش هامه لا السرعة و لا التكدس
و اتجاهه .. الله اعلم اعتقد اني السواق اللي هم الحكام العرب سايقين علشان يودوه على جهنم بس فاكرين
انهم هايقدروا ينطوا من المكروباص في الوقت المناسب قبل ما يموتوا مع الشعب الحقير دة
بس هينطوا فين غير في حضن امريكا بس المشكلة
انها هاتكون في العربية اللي المكروباص دة ماشي وراها و سابقاه بمراحل
علشان كدة هيقعوا على جدور رقابيهم
قعدت النهاردة اتفرج على الحاجات دي
و
حبيت افرجكم معايا على الابداع اللي مرسوم هنا

لا حول ولا قوة الا بالله .. الله يرحمه كان طيب





انا كسرتهوملك اهو كلهم ... علشان الضحايا كانوا هايبقوا كثير اوووي




ههههههههه






يا مسهل يارب





صبح صبح ياعم الريس
فضحتنا الله يفضحك كمان و كمان



كنت هاقولك من غير عنف



أنا اقولك انت تمشي فين .. هي ميغة ، فاكرين محدش شاكمكم

............

خارج الكادر.. بقى فيه حاجات عجبتني عن عيشتنا دي








Monday, June 18, 2007

.... وبعدين

اما صدقت طلعت من حالة الاحباط و الاكتئاب اللي كانت عندي بسبب حاجات كتير كانت ملعبكة في بعضها ، الدنيا لعبكت تاني و كل ما اقول خلاص انا كويسة ، انا كويسة كأني باصة لنفسي في مرايا و عمال بقنعها بكدة ، ادخل جوايا تاني و ألاقي عنية واقعة و حواجبي عاملة 111111 مش 11 بس ، و الدنيا بمبي جدااااااااااا

نفسي حد يقولي الناس بتعمل كدة ليه في بعض ، ليه الدنيا كلها بقت بتجري ورا مصالحها الشخصية

و مفيش اي اعتبار للقانون الانساني ، ليه الشك بقى سمة عامة عند الناس ، ليه المسلمين بقوا بيحتقروا

و يقرفوا من المسحيين ، و المسيحيين بيبصوا للمسلمين كلهم على انهم قتالين قتلة

امبارح و انا راكبة الاتوبيس لاقيت واحد عجوز ، بس راجل ، بواقي الحرب يعني بيقف

و يقعدني قلت يمكن نازل الاتوبيس فضي فيه مكان راح الراجل دة قعد تاني ، قلت اه دة قام علشان يقعدني ، جات واحدة ست تاني وقفت قام وقعدها و الشباب كلهم قاعدين جواهم ضحكة سخيفة ، المهم انه الاتوبيس

اتملأ ولاد ، طلبة من مدارس يعني ، قعدوا يتكلموا و الراجل دة واقف وهم ألفاظهم بسم الله ا شاء الله فخر الصناعة المصرية ، الراجل قال ، و تعاونوا على البر و التقوى ولا تعاونوا على الاثم و العدوان و لسانك حصانك ان صنته صانك و ان هنته هانك ، يالهوووي ، الراجل رفع ايده علشان اصاب بصدمة عاطفية

لمحت الصليب فيها ، طيب ماهو ، ايه الفرق بقى ما احنا عايشين و كويسين ، بنقتل في بعض ليه ؟ مفيش

سبب منطقي ، كل الاسباب وهمية لا تتعلق بفتنة طائفية على قد ماهي بتتعلق بعلاقة المصريين ببعض

مش لدين ولا لملة حتى المجتمع بقى هش لدرجة تخلي الجيران يطلعوا اذ فجأة على بعض يضربوا بعض بالنار و السنج و المطاوي ، الموضوع يتعلق بعقلية شعب عاش طول عمره بدون قتن و بدون حروب اهلية ... يمكن عايزينه يجرب بقى و دة له حسابات تانية
الحكومة اللي هي المفروض بيتم تعيين دعاة و ائمة المساجد

من خلال مباركتها هي السبب و اكيد مش هي المسئولة الوحيدة عن حدوث الغباء المستحكم

المتمثل في دعوة ائمة المساجد اللي هم اساسا ناس مبتفهمش لمحاربة ما اسموهم الكفار ، كفار ايه

بلا بلا ازرق بطلوا البتاع اللي بتشربوه دة ، قال ايه التبرك ببول النبي و التحفة المفتي دة كمان يعني

بجد اقعدلنا على جنب ، مفيش حد خلاص بأة بيأمنلك لا انت ولا عشرة من اللي بيقولوا على الفتوى: " صنعتي و متتحشروش فيها" فيه عالم دين محترم يا اخي يقول كدة .. حرام بقى منكو لله مليتو البلد
نيجي بقى للمصيبة الاكبر ، احب اسألكم سؤال ؟ لو العلاقة بين حد و بين صحابه جه واحد تاني خربها بسبب

معلومات غلط بينقلها عبر معارف الحد الاولاني و الحمد لله ، الموضوع تطور لدرجة انه مش المعلومات

بس اللي غلط لا ، الدنيا احلوت اووي لما بقى الواحد التاني بيطور في المعلومات الغلط اللي
خدها على لسان الحد الاولاني علشان توصل بأسلوبه هو على مسئولية الحد الاولاني
و الحمد لله برضو... تقريبا انا هنجت و تعبت جدا و ربنا يستر
و تم زف الخبر الاخير إليّ من شوية بقى ابن زكي بدر "شيخ سب الدين" في مصر يبقى

رئيس جامعة يا ناس اتقوا الله فينا بقى لو معندكوش ربنا يبقى خلاص اعملوا اللي انتو عايزينه

الكارثة بقى ، ماهي الحكاية بالتدريج علشان متتخضوش علية ، سارة نور الدين صحفية سابقا

احد رواد المصحات النفسية حاليا ، ما علينا ، ايه اللي بيحصل في فلسطين و لبنان و العراق

انا خدتهم شألة واحدة لاني حاسة اني تعبتكم في القراية ، عامة انا احب اهني الخارجية المصرية على موقفها الحاااازم اواواوي _ حازم حازم - في انها رحبت بحكومة الطوارئ

الفلسطينية الغير شرعية يا حكومة .... ولا على ايه الشتيمة ، اصلها حكومة طوارئ هاتجيب ايه يعني غير واحدة زيها

وبعدين بصراحة انا اعلنت في تصريح سابق لية على الماسنجر ان هاتنظم دورة تدريبية لطلاب قسم الارهاب في جامعة تورا بورا هايصرف عليها جامد و هايكون مقرها جوانتانامو ، قريبا انتظرونا
تعالوا زورونا تجدوا ما يتعسكم

Thursday, June 14, 2007

حاجات من هنا و هناك


منوعات مما نشر في الصحف واغلبها المصري اليوم و اعجبني جدا تعليقا على بعض الاحداث

تزايد الضغوط على الأنظمة العربية تجعلها ترى في إسرائيل مخرجا لها

المصري اليوم

الصحف الأمريكية تصف قناة الحرة بأنها انقلبت لتعادي الولايات المتحدة بعدما أذاعت حوارا مع حسن نصر الله زعيم حزب الله اللبناني و اسماعيل هنية رئيس الوزراء الفلسطيني

المصري اليوم

اسرائيل دائمة التفكير في اهتمامات الشباب العربي و المصري خاصة

دراسات اسرائيلية حول الشباب المصري

التعليم الازهري جهاز تفريخ للجواسيس و العلمانيين و الملحدين

احنا في صفحة الشباب - المصري اليوم

الشباب المصري يميل لاستخدام السلاح لمواجهة المجتمع الذي يعيش فيه

المصري اليوم

العثور على 13 مليار جنيه مصري كانت تائهة بين وزارتي الاستثمار و المالية من حصيلة الخصخصة

المصري اليوم


و بعد دة كله احب اقولكم



علا عبد الله و فرقة كتب خانة فازوا امبارح بالمركز الأول في تقييم مشاريع تخرج السنة النهائية في كلية الاعلام بجامعة القاهرة و انا فرحانة جدا علشانهم و خايفة جدا جدا لان الدور السنة اللي جاية علية و ربنا يسترها معانا جميعا و ريح بالك و انسى اللي نسيك و فات القليل ما بقى الا الكثير

Wednesday, June 6, 2007

يالهوووووي ، مصر مازالت في عصر الجاهلية

بعد الكثير و الكثير من انتهاكات حقوق اللإنسان ، مصــر الآن متهمة بتحديث
أسلوب جديد لوأد البنات ، هذا ما جاء في تقرير
الذي بين ان مصر استحدثت طريقة جديدة لواد البنات في مراكز الإخصاب باستخدام تقنية حديثة جدا ، و هو ما يحدث تحت بند تحاشي الأمراض الوراثية و نقلا عن العربية نت
قال رئيس اتحاد الأطباء المصريين فى أوروبا
د.عصام عبد الصمد أنه سيتوجه بمذكرة تفصيلية الى
شيخ الأزهر ونقابة الاطباء المصرية لوقف التلاعب بالأجنة ، وأضاف أن هذه التقنية تستخدم فى الأصل لفحص الكروموزومات ، وفحص الأمراض الوراثية لتجنبها والكشف عن
أي تشوهات أو عيوب خلقية وليس لتحديد نوع الجنين واستبعاد غير المرغوب فيه ، مشيرا إلى
أن بعض الأطباء في مصر يستغلون هذا المنهج العلمى لمعرفة
نوع الجنين في مرحلة النطفة قبل وضعها في رحم الأم
ثم يستبعدون الكروموزوم الذي يدل على أنه انثى
لأنه ذكر y ويبقون على الكروموزوم

انا عاملة مشاكل مع الناس كلها

تقريبا اكتشفت اني عاملة مشاكل مع كل اللي حوالية
علشان كدة انا نفسيا مش مرتاحة ، مش عارفة ليه بدأت احس اني لما اروح اي مكان اعمل مشكلة
والناس كلها مش طايقاني ، حتى اخواتي حاسة انهم عايزين يولعوا فية علشان كدة ببعد عن اي حد
مش غلاسة بس خايفة اعمله مشكلة او ازعله اكتر
الموضوع دة جاب نتيجة عكسية كل ما احاول اصلح علاقتي بأي حد
ييجي في باله اني عايزاه في مصلحة مع اني بجد عايزة اني اصالحه لوجه الله
و لو هو مش زعلان و بكلمه عادي ممكن اغلط في توصيل كلامي ليه فيفتكر هو
انه قصدي كان حاجة وحشة
الدنيا عندي كلها بايظة ، و الغلط مني
انا عندي مشاكل في التواصل مع البشر
كتير قالولي اني نيتي صافية و قلبي ابيض بس في نفس الوقت مش بعرف اوصل دة للي قدامي
صحيح اللي في قلبي على لساني دايما و لساني دايما دبش و انا مش زعلانة من دة
انا عايزة افضل صريحة طول عمري و اعتقد انه مش هو اللي جايبلي المشاكل
اللي جايبلي المشاكل هو اني مش بفرق انا بكلم مع مين و
مش بكون مركزة و بكلم علطول قبل ما افكر و احسب كلامي دة رايح فين
انا زهقانة جدا و نفسي حد يفهمني و ابطل غلط في الناس

Sunday, June 3, 2007

هو العلم راح فين


يا ترى تعرفوا ايه هي الوزارة الوحيدة اللي مش عليها علم مصر

وزارة مش عليها علم البلد

كل وزارة المفروض يبقى عليها علم مصر

يا ترى راح فين علم البلد من على وزارة التعليم العالي و البحث العلمي؟ .. مش عارفة

انا ماشية في شارع القصر العيني اللي بمشي فيه يوميا علشان اروح الجورنال

فجأة لقيتني ببص فوق .. فوق الوزارة

مكنتش عارفة انا بدور على ايه بالظبط ، بس انا مرة واحدة وقفت و قعدت أسأل نفسي علم مصر راح فين

هو التعليم العالي و البحث العلمي أصبحوا نكرة لدرجة انه لا يرفع علم مصر فوقيهم

لا و ايه اكتشفت انه مبارك نفسه مستعر من البحث العلمي.. اصل صورنه هي كمان مش على الوزارة