اسرائيل: ليس هناك احتلال لفلسطين

المتحدث الرسمي باسم الجيش الاسرائيلي المسئول عن العمليات المتوحشة في قطاع غزة سماء و أرضاُ

يسخر من الشهداء و المقاومين و يقول انه ليس هناك احتلال و أن حركة حماس ماهي إلا حركة ارهابية

وهي المسئولة عما يتعرض له الفلسطينيون من قصف و قتل فهي تتخذهم رهائن على حد تعبيره

في حين قام الجيش الاسرائيلي بحشد كبير لالياته على معبر بيت حانون

شمال القطاع تحسبا لشن عمليات برية واسعة

في قطاع غزة بالاضافة إلى المروحيات و الطائرات التي تحاصر القطاع من السماء

دعواتكم لأهل قطاع غزة

اللهم انصرهم و ثبت أقدامهم

والدعوة للأموات العرب الصامتين على ما يحدث من عمليات الابادة الجماعية للشعب الفلسطيني

ادعوا لهم أن يستيقظوا من سباتهم الطويل

اللهم عليك بالحكام الخونة

ماذا تعرف عن القدس

كل ما اطلبه من الذين يمرون على هذه المدونة

ان يكتبوا ما يعرفونه عن مدينة القدس القديمة و المسجد الاقصى

وما الذي تحملونه و تشعرون به تجاه القدس و المسجد الأقصى و مايجري تحته من حفريات و انتهاكات

للاستفادة من ارائكم و معلوماتكم

والشكر كل الشكر لكم

والحاضر يعلم الغائب

العيب في مين يا بلد

دة قصة

مستوخاه من قصة برضو

جاية من مكان بعيد

يمكن انت مش شايفه

ويمكن انا شايفاه

او العكس

بس في النهاية

فيه ناس عايشين فيه

تعرف بيفكروا ازاي؟.. ولا تعرف حتى هم عايشين ازاي

بص لنفسك في المراية

ها

لاقيت وشك ولا لاقيت وش حد تاني تعرفه

ايوة ... دة وش حد تاني انت تعرفه كويس

ممكن تكون انت اللي مخليه يقف ادامك

ويبص عليك

وساعات يراقبك

علشان لما الطيب اللي جواك يطلع

يضربلك جرس انذار

ويقولك ارجع

اللي عايشين في المكان دة بقى

مالهمش دعوة بينا

ممكن يشبهونا في الشكل و في الهيئة

انما لما تبصلهم مش هاتعرف انهم شبهنا

وممكن تتريقأ عليهم كمان و تقول انهم عبط

تعرف

احنا تعبانين اوي

وبنحب نتعب نفسنا اكتر و اكتر

بنحب نلبس وشوش

لكل مناسبة عندنا.. وشوش

نقعد نلونها ونغيرها وساعات نعقدها اكتر و اكتر

في الاخر بنتعب

بنتعب اوي

وبنقول بلاش نقعد في المكان إياه

ونسيبه ونمشي

اصل المكان دة شاف كل وشوشنا

مبقاش عندنا حاجة جديدة نوريهاله

مبقاش عندنا حاجة ندافع بيها عن نفسنا

ونسيبه ونمشي تاني وتالت

وساعات اللي بيسيبه و يمشي مش بيرجعله الا بعد ما يتنسي

المكان دة غريب اوي بجد

فيه كل حاجة

فيه الطيب و العبيط والاهبل و الراجل المحترم و اللي بيستعبط

فيه الجميل و الرقيق و اللي بيتكسر وفيه اللي قلبه جامد وبيكسر

فيه اللي بيتفنن بفنه وفيه اللي بيتفنن بنهبه

فيه كل الألوان .. تمشي في المكان تلاقي الاصفر اصفر

وتلاقي الاخضر اخضر وتلاقي الأبيض أبيض وشفاف

ومكان ما بنوصله بادينا كل دة بيتلخبط

ياترى العيب في مين يا بلد

في الارض ولا في الايد

ال 27 سنة بنية تحتية بس متفقناش على كهربا

لقي 30 مواطنا مصرعهم و أصيب 20 أخرون في حادث تصادم مروع وقع صباح أول أمس الخميس علي طريق الكريمات ـ حلوان الدولي جنوب شرق القاهرة نتيجة تصادم ١٤ سيارة بالتتابع بسبب الشبورة والظلام الحالك عقب انقلاب مقطورة محملة بالطوب حيث استمرت عملية التصادم ما يقرب من الساعة

وتوقفت حركة السير تماما بالطريق

يعني بصراحة الواحد مش عارف يقول ايه بجد في الحوادث اللي بتحصل كل يوم

على الطرق سواء الطرق الدولية أو الطريق الدائري

أو الكباري او اي طريق ماشي في اي طريق

لكن الحادث دة بالذات وضح قيمة "عواميد النور" اللي المفروض تكون موجودة على جوانب الشوارع

لانه معظم الطرق الدولية في جميع انحاء الجمهورية لا توجد بها إضاءة

يعني يا سعادة الريس بقالك 27 سنة بتبني في البنية التحتية

نسيت توصلها الكهرباء علشان تنور طريق الناس

ولا عندك حق كان المفروض لما جينا نتفق معاك على البنية التحتية

نقول : بالعواميد ولا من غير

مجدي مهنا

انتقل إلى رحمة الله مساء اليوم الجمعة الكاتب الصحفي مجدي مهنا

صاحب عمود في الممنوع بجريدة المصري اليوم

مجدي مهنا كان سبب من أسباب دخولي للعمل في المصري اليوم

وقبل ما يموت كلمته وقالي متسيبيش مكانك ودافعي عنه

انا اسفة اني مقدرتش أعمل كدة يا استاذي

إنا لله و إنا إليه راجعون

ادعو له بالرحمة و الغفران