هذا الفأر ليس مصريا

"هذا الفأر ليس مصرياً" .. بهذه العبارة التي تحمل نفيا قاطعا، رفض اللواء عبدالفتاح بدران نائب رئيس شركة ميناء القاهرة الجوي، اتهامات شركة الخطوط الجوية السعودية بأن ميناء القاهرة الجوي هو الجهة المسئولة عن الفأر الذي تم اكتشافه علي إحدي طائراتها الجامبو خلال رحلتها من القاهرة إلي جدة، والتي حملت رقم 302، موضحا أنه لا يمكن بأي حال من الأحوال أن يكون هذا الفأر مصرياً.

لكن الاظرف كانت تعليقات المصريين علي الخبر ومنها:
حتى الفيران عايزة تهاجر وتسيب البلد -
الفار مصرى ابن مصرى، بس زى حالة كتير من المصرين زهقوا من وضع البلد فكر يسافر يلقط رزقه فى السعودية، الله يعينه عنده اسرة وعياااااااااااال مش لاقى يأكلهم
- يا جماعه انا الى عرفتوا عن الفأر ده انه ابوه مصري وامه سعودية
اكيد مش مصري لأن الفأر المصرى اخره يوم ما يكون فار مالوش حل يطلع ماسوره مجارى ده لو قلبه ميت
اهم حاجة اوراق الفار سليمة ولا لا ؟
مش يمكن الفار دة كان بيفكر يسافر على ايطاليا بس خاف يموت والمفتى يقول عليه مش شهيد فقال اركب طيارة احسن واسافر على بلد عربى وربنا يفتحها فى وشى واسيب البلد دى
يا بخت الفار دة والله العظيم انا بحسده انه فكر يسافر السعودية بس كان من الافضل بالنسبه للعملة انه يسافر الكويت او الامارات، وكمان عشان ما يقعش في ايد كفيل فار سعودي معندوش ضمير يسلط عليه قطط المملكة
حتى الفئران عايزة تهاجر والنبى لو تعرف يا سيد فار تجبلى عقد عمل ابعت لى

صعب نحدد جنسيته و انا رأيي يسيبوه لغاية ماتش مصر مع السعوديه.. ويقولوله يومها ان مصر كسبت ونشوف رد فعله.. لو فرح يبقي مصري.. ولو اتضايق يبقي برضه مصري بس نفسه المدرب حسن شحاته يمشي...
تعليق من السعويه: انا اقول يا جماعه نحط له صحن كبسة وصحن فول ووين ما ياكل نعرف انه مصري والا سعودي.

ظريف أوي الأخ السعودي دة .. او بيستظرف .. بس دمه في الاخر سعودي برضه

منقول عن موقع محيط .. شبكة الأعلام العربي