أول مرة أدخل مدينة الانتاج الاعلامي
امبارح كان أول مرة أدخل مدينة لاانتاج الاعلامي
مدخلتش ازورها ولا اتفسح فيها
دخلت اشتغل
مش عارفة ممكن أكون حطيت رجلي على أول الحلم
ولا أكون ببعد ومش هاكمل في الموضوع وامشي
المهم اني حاليا زيادة عن كوني صحفية في جريدة البديل
فأنا أحد معدي برنامج 48 ساعة اللي بيتعرض على قناة المحور يومي الخميس والجمعة
انا ممكن أكون صغيرة وفي نظر كتير عيلة ومش باين علية اني صحفية
بس لما كانوا بيدوروا على فريق اعداد للبرنامج كذا صحفي كرر اسمي
منهم أعز رؤسائي في البديل ومنهم اللي مقتنع إني مشروع ناجح
انا متشكرة
ويمكن نفسي اعيط اني فيه ناس مؤمنة بية
بس صعبان علية اني اعز الناس واقرب الناس لقلبي مش بيشجعني
بس في نفس الوقت ماما حبيبتي بتدعيلي
يارب بابا واخواتي يكونوا قادرين يستحملوني
ويارب اخد فرصتي واثبت نفسي علشان انا واثقة في نفسي
في الحلقة الثانية للبرنامج بقى كنت خلف الكواليس
بصراحة قلبي كان هيقف لما الاتصال الدولي مع اشرف السعد من لندن عبر الستالايت
أحد الهاربين بفلوس مصر إلى الخارج
بس الحمدلله لحظات وعاد الاتصال
ادعولي
No comments:
Post a Comment