هل هم استشهاديون أم فرق انتحار متحركة

انا بكتب البوست دة وانا ورايا امتحان بعد 3 ساعات ياريت اكتبه كويس

مفتي الجمهورية قال انه اقحام الدين في مسألة العمليات - يقصد العمليات الاستشهادية - أمر ليس في محله ! و من يقوم يقوم بها دوافعه سياسية و هي ذات طابع سياسي ، لكنه في نفس الوقت لم ينفي عن يقوم بها انه شهيد

و لم يعترف به انه كذلك ، بمعنى اصح المفتي بتاعنا مش عارف هو اللي بيفجر نفسه في

وجه العدو دة و يقتل في الصهاينة هو شهيد و لا انتحاري

عملية حسابية بسيطة

اذا كان أخر تفجير بصواريخ القسام أدى إلى مقتل اسرائيلي واحد و جرح أخر و اخر عملية استشهادية ادت إلى مقتل 6 اسرائيليين و جرح 30 اخرين يبقى اللي مات دة شهيد ولا مش شهيد ، هل انتحر و مات كافر ولا هو جاهد في سبيل الله و قتل و بالتالي يعتبر شهيدا

مش هانكر انه كثير بيموت هو بس وحيدا دون ضحايا مش اسرائيل بس هو حاول و احسن من ناس كثير قاعدة في الدنيا مالهاش لازمة زي صاحبنا اللي بيقول على حسن نصر الله " البتاع دة" .. اعتقد ذلك

اذا كان شيخ الازهر فضيلة الامام الاكبر المحترم الجليل سيد طنطاوي قالك لا دة انتحاري لانه صفة الشهادة - اللي حددها هو بما انه هو اللي هايحاسب البشر و العياذ بالله - من وجهة نظره الدينية تنطبق على من يقتل

في وسط العسكريين المحاربين ، و الحمد لله اصدر هذه الفتوى بعد ان ذهب لمقابلة حاخامات

يهود في مدينة الاسكندرية يوم 15 مايو للاحتفال بقيام دولة صهيون - اسرائيل حاليا

هم الشيوخ دول ايه نظامهم ، و الشهداء دول كمان دمهم في رقبة مين بعد ما ماتوا في سبيل الوطن

علشان ييجي بعد كدة ائمة مساجد كبار و اجلاء علشان يكفروهم و ايه المجتمع كله يكفرهم زي ما انا شفت لما رحت أسأل الناس في الشوارع عن رأيهم و قالوا انهم انتحاريين فعلا و مالهومش دية ، بس اكيد طبعا مش كل الناس ، كان سبب اتهامهم للشهداء بأنهم انتحاريين هو: هي جميع الطريق الاخرى للمقاومة خلصت علشان يقتلوا نفسهم ؟ انا برد و اقول

اااااااااه خلصت و روحوا فلسطين و ان وجدت خيرا من هذه الطريقة سبيلا للمقاومة ساعتها ابقوا اتكلموا اللي ايده في النار مش زي اللي ايده في التللللللللللج