هو العلم راح فين
يا ترى تعرفوا ايه هي الوزارة الوحيدة اللي مش عليها علم مصر
وزارة مش عليها علم البلد
كل وزارة المفروض يبقى عليها علم مصر
يا ترى راح فين علم البلد من على وزارة التعليم العالي و البحث العلمي؟ .. مش عارفة
انا ماشية في شارع القصر العيني اللي بمشي فيه يوميا علشان اروح الجورنال
فجأة لقيتني ببص فوق .. فوق الوزارة
مكنتش عارفة انا بدور على ايه بالظبط ، بس انا مرة واحدة وقفت و قعدت أسأل نفسي علم مصر راح فين
هو التعليم العالي و البحث العلمي أصبحوا نكرة لدرجة انه لا يرفع علم مصر فوقيهم
لا و ايه اكتشفت انه مبارك نفسه مستعر من البحث العلمي.. اصل صورنه هي كمان مش على الوزارة
7 comments:
ههههه
معلش الظاهر مش عارفين هما وزارة اي بلد بالزبط
والله يا مقاومة العلم طار فى الهوا شاشى وانت متدراشى ... يا جدع
وبعدين يمكن مش دى الوزارة الوحية اللى مش عليها العلم لو تحبى نعمل جولة ونشوف الاعلام ... انا معنديش مانع .. تحياتى
تعليم ايه ووزارة ايه
بيتهيألى المفروض يحولوا الوزارة دى لشركه قابضه زى التأمين الصحى كده
ممكن سؤال ؟
هو حضرتك تبقى سارة نور الدين ؟
فعلا ممكن ميكونوش واخدين بالهم انهم في موزمبيق أصل الناس بتتعب و مش فاضية تعرف حاجات اضافية لا هاتودي ولا هاتجيب
-----------
نلف على الوزارات .. ما انا لفيت صدقيني كلهم عايزين الحرق
-----------
ايوة يا حزين انا سارة نور الدين بس من غير حضرتك
اهلا بيكى فى تجمع المدونون المصريون واشكرك على الانضمام واتمنى انك تساهمى فى انتشاره
الحكومة بتتبع مبدأ إذا بوليتم فاستتروا ، هتحط العلم على خيبتها السودا , بحث علمي ايه بس ..ياشيخة سلميلي على البحث العلمي
اعتقد العلم هيتشال واحدة واحدة
و ربنا يستر
Post a Comment