عبط المصري اليوم
بصراحة يا جماعة مش عارفة اقول ايه بس على الخبر اللي اتنشر في المصري اليوم امبارح و اللي بيقول
"معركة قومية بسبب تخلف الصحف القومية"
اللي كتب العنوان دة راجل جامد جدا جدا بجد اللي خلاني اقرأ الخبر فعلا هو العنوان دة وعلى قد ما العنوان عجبني اووي الا ان الخبر مع احترامي الشديد "واقع" بغض النظر عن السبب الذي جعل المصري اليوم تنشره واحترامي الشديد برضو لمجدي سمعان و لقيادات المصري اليوم علشان متقولوش كانت معانا ولما مشيت بدأت تشتم .. ما علينا يعني .. فعلا انا شايفة ان الخبر مهنيا من المفترض لا ينشر على الاطلاق لاني اعتبرته نكاية في صحف منافسة في السوق و مجرد نشر الخبر يعطي القارئ صورة عن العلاقة بين المصري اليوم و الاهرام أو بمعنى اصح طبيعة العلاقة اللي زي الزفت بين أسامة سرايا رئيس تحرير الأهرام استاذ مجدي الجلاد رئيس تحرير مراجيح مولد النبي
دة غير انه فعلا بلاش تحدف الناس بالدبش اذا كان بيتك من زجاج ، يعني المصري اليوم بقالها قرن بتنشر ما اسمته مراجعات فقهية و فكرية للتنظيمات الاسلامية او الارهابية اياً كان اسمها والحمدلله طلع نص اللي اتنشر حصريا على صفحات المصري اليوم الجريدة المحترمة منقول من على احد مواقع الانترنت و هو ما اثبته برنامج الطبعة الاولى الذي يعرض على _دريم 2 الساعة 8:30 يوميا ماعدا الخميس و الجمعة_ الاسبوع المنصرم
الجريدة في نظري بدأت في الانهيار خصوصا بعد الحوار الذي اجراه رئيس تحريرها مع رئيس الجمهورية السنة الماضية و فعلا بدأت في الانهيار الفعلي بسبب عوامل كتيرة جدا ولولا اني فعلا بحب الجورنال دة و هو اساسا اللي اتعلمت فيه صحافة و بدأت فيه و اداني اسم يعتبر كبير نوعا ما مكنتش قلت ان المصري اليوم لازم يخلي باله من تصرفات الصحفيين اللي فيه التي تظهر على الورق و ما خفي كان أعظم ، و في رأيي الجورنال دة عايز راجل
مع احترامي..
4 comments:
ان جيتي للحق عنوان التدوينة دي هو اللي جامد معبر عن حال المصري اليوم حالياً وده سبب بعض الصحفيين فيها مع احترامنا الشديد للصحفيين المحترمين فيها
عوداً حميداً على العموم انا كنت بدخل المدونة دي كل شوية ملقيش جديد وده بحكم اني انا كنت المقاول اللي بيبني فيها في بداياتها
انا افتكرت نفسي دخلت مدونةغلط لما لقيت جديد :)
مقاومة .. اهلا بيك في مدونتك يا ششتاوي .. معلش فترة و عدت الهي لا يرجعها ........ وفعلا انا اسفة لتاخيري و لاهمالي للمدونة الفترة اللي فاتت
ان المصري كان شعاره سابقاً جريدة
احترمت القارئ فاحترمها القارئ
اما الان فهو جريدة لم تحترم القارئ
فأظن ان معظم اخبارها الان لاتخرج الى
النور الا بعد موافقة امن الدولة
فتخرج بهذا الشكل الباهت
_____________________________
لي عتاب
هو حضرتك مقاطعة مدونتي ولا ايه من زمان اوي حضرتك مشرفتناش
ميخا
لالالا ابدا يا جمعاوي يا أصيل انا مش مقاطعة مدونتك ، دي كانت فترة بعدت فيها عن مجتمع النت خالص و حتى عن مجتمع وسط البلد بالكامل معلش الغيبة طولت وأوعدك هاتشوف مقاومة على مدونتك كتير بعد كدة
شكرا لاهتمامك يا أصيل
Post a Comment