ال 27 سنة بنية تحتية بس متفقناش على كهربا
لقي 30 مواطنا مصرعهم و أصيب 20 أخرون في حادث تصادم مروع وقع صباح أول أمس الخميس علي طريق الكريمات ـ حلوان الدولي جنوب شرق القاهرة نتيجة تصادم ١٤ سيارة بالتتابع بسبب الشبورة والظلام الحالك عقب انقلاب مقطورة محملة بالطوب حيث استمرت عملية التصادم ما يقرب من الساعة
وتوقفت حركة السير تماما بالطريق
يعني بصراحة الواحد مش عارف يقول ايه بجد في الحوادث اللي بتحصل كل يوم
على الطرق سواء الطرق الدولية أو الطريق الدائري
أو الكباري او اي طريق ماشي في اي طريق
لكن الحادث دة بالذات وضح قيمة "عواميد النور" اللي المفروض تكون موجودة على جوانب الشوارع
لانه معظم الطرق الدولية في جميع انحاء الجمهورية لا توجد بها إضاءة
يعني يا سعادة الريس بقالك 27 سنة بتبني في البنية التحتية
نسيت توصلها الكهرباء علشان تنور طريق الناس
ولا عندك حق كان المفروض لما جينا نتفق معاك على البنية التحتية
نقول : بالعواميد ولا من غير
2 comments:
انت بتقولى ايه
كهربا
وحوادث
وحسنى
و27 سنه
لو عدى 100 سنه وعصابه الظلم موجودة
ولو شعب مصر كله مات فى الحوادث ولا حياه لمن تنادى
كل اللى بناخده كلام فى كلام
انتى مش واخدة بالك يا سارة
العواميد دى محطوطة لسبب معين و مهم ان الناس بدل ما تنزل فى الترع او فى الاراضى اللى على جنب الطريق
ده اختراع جديد يخبط فى العمود و يوفر على الدولة اوناش رفع و عربيات سحب
حسبنا الله و نعم الوكيل
Post a Comment