انا مدون ارفض التعديلات

خليك ايجابي و انزل ارفض تعديلات الدستور اللي اطبخت

و المقاطعة مكنتش حل مناسب للمعارضة من قبل

كفاية سلبية بقى ... كفاية البلد ضاعــــت

بجد انزل و اعمل اللي عليك و ارفض اللي بيتعمل في الدستور المصري و خلي الباقي على الله

.....

يعني ماهي كدة كدة هاتتزور؟

ماشي معلش صعب عليهم التزوير انت لو نزلت قلت لأ و هم عايزين يغيروها

يبقى كسبت ثواب تعطيلهم على الأقل

بتضفي شرعية اكثر على اللي بيحصل

اساسا نظام الحكم و معظم القوانين المطبقة في مصــر ساقطة الشرعية و دة الواقع

هل تستطيع نفيه ، هل تستطيع انكار حقيقة وجوده؟.

شارك في تخريبه بقدر المستطاع .. و ربنا معانا

و بعدين ايه السبب في ان الواقع دة اتفرض علينا؟

سلبيتنا و سكوتنا عن المطالبة بحقنا الطبيعي في صنع واقع يلائم احتياجاتنا

شارك لكي لا يأتي أجيال وراءك تعيب عليك سلبيتك و هم ما يزالون يدفعون ثمن الذل و القيود الموجعة