Tuesday, March 27, 2007

النتيجة طلعت .. ولاد الكلب عملوا اللي في دماغهم


ظهرت نتيجة استفتاء الاثنين الأسود على الدستور المصري و تشير الاحصائيات الأولية إلى أن نسبة المشاركة لم تتعدي الـ 10 % على أعلى تقدير و أن نسبة من وافقوا على التعديلاتت الدستورية التي اشتملت تعديل 34 مادة من الدستور المصري أكثر من 75% من عدد المصوتين و هو ما اكده مسئولون في وزارة العدل في ساعة متأخرة من ليلة أمس ، و أظهرته المشاهدات الأولية و كذلك عنواين الصحف القومية اليوم التي تشير إلى معرفة النتيجة مسبقا فكان عنوان روز اليوسف على
سبيل المثال " المستقبل بدا امس" و تناول تلك النتائج الكثير من مقالات الموالين للسلطة
بينما أصاب الشباب المهتمين بالأمر باحباط شديد
فتقول علا عبد الله " انا بجد زهقت من اللي بيحصل بس اعمل ايه تاني بلدي و اللي علية عملته و الباقي على ربنا و الكثير من العبارت المحبطة التي تدل على اكتئاب شباب مصر المهتمين

بالموضوع السياسي فيها
و من المعروف أن نتائج الاستفتاء كانت معروفة مسبقا لكن وقع الصدمة الحقيقية كان شديدا على كثير من الشعب المصري حتى غير المهتم بالسياسة "

4 comments:

Anonymous said...

عيب تقول عليهم ولاد كلب لأنهم همه الكلاب نفسهم
بس إللي في دماغهم مش هيحصل أبدا وهوه إن إبن الباشا يحكمنا بعد كده
التعديلات دي هيه أول مسمار في نعشهم

محمد هانئ said...

سلام عليكم
ازيك يا سارة
انا اول مرة ادخل مدونتك فعلا رائعة
متعصبة ليه يا سارة يعني انت مش عارفة انها حتطلع كده
الدفاتر بتاعتنا والصاديق بتاعتنا
حتطلع ايه يعني
من امبارح وانا بغطي عندي في المدونة الاستفتاء و باين ان جمال مبارك ميعرفش حاجة قال 15-20 في المائة
لكن كان واضح انهم لازم يعدوها الخمسة وعشرين قال يعنوا اتفأجوا ان الشعب ميت في هواهم وهوا كبيرهم الملهم اللي عارف المصلحة مش المعارضين السلبيين الاشرار
وعلي فكرة الكلاب زعلت من تشبيهك بتوع الاستفتاء بيهم

أحمد عبد الفتاح said...

سارة انا بجد زعلان منك
بجد انتي لازم تعتذري للكلاب
لانه حرام تشبهي الحيوانات الجمسلة ده بالكائنات الجرثومية ده - مع الاعتذار للجراثيم طبعا - ولو حضرتك منشرتيش اعتذار رسمي انا هيبقي ليا موقف منك

مقاومة said...

هو انتو زعلانين من اطلاق صفة الكلاب على معاتيه السلطة دول ، انا خايفة لبعد كدة تقوم جمعية الدفاع عن حقوق الكلاب و المليكة الاسمية ترفع علية قضية