Thursday, March 29, 2007

قليلا ما اعتذر .. قليلا ما أندم


بجد يا جماعة انا اسفة جدا على كمية الشتايم اللي بقت مالية مدونتي
عمري ما شتمت بالطريقة دي ، و كمان عمري ما تخيلت دة ، كان ممكن اني اعالج
المسألة باسلوب ارقى من الاسلوب الحقير اللي انا اتبعته في نقد الاستفتاء و التعديلات الدستورية
لكن غصب عني النظام الحاكم أول من نجح في جعلي اخرج عن شعوري ولا عزاء لي فيما فعلت
كثير بصراحة فكرت اني اوقف المدونة نهائيا لاني ساهمت في تلويث بصر و عقل من قرأ لي و لا ذنب لهم في كونهم قرءوا تلك الكلمات الغبية ، انا اسفة مرة تانية و تالتة و عاشرة للناس دي ، واوعدكم هاتكون اخر مرة اغلط فيها بالشكل دة تاني و هاحاول اكيد اني اتماسك و احافظ على اخلاقي لأني عمري ما كنت كدة و لو وصل بية الأمر لاغلاق المدونة نهائيا

4 comments:

Anonymous said...

انا سعيدة جدا بالاعتذار ده وكنت بسال احمد من انت ومن تكونين وكيف وصل التجريح الي هذا الحد ربنا يكرمك قولي اللي انت عايزاه دون شتائم

محمود الششتاوي said...

أختنا العزيزة سارة
من أفضل أنواع البشر الذي إن أخطأوا لا يكابرون ويبادروا بالإعتذار عما بدر منهم من أخطاء والحمد لله المدونين المصريين كسبوا واحد من النوع ده وهو انتي
لكن إن جيتي للحق كان عندك حق فما حدث سواء من بعض فصائل المعارضة أو النظام فاق حدود الصبر والعقل ومهما كان رد فعلنا سئ فهو ليس نابع عن سوء بنا إنما هو نابع من حبنا لمصر وحزننا على ما يحدث بها

مقاومة said...

اكيد يا بتول ان شاء الله
اوعدك
و لو ما عملتش كدة ادخلي هزايني أكيد هاكون محتاجو لحد يفوقني

citizenragab said...

مبروك المدونه

وبلاش المثاليه اللي تفقع دي وحياة والدك
عشان العمليه مش ناقصه
ولو كنتي علقتي علي الموضوع من غير شتيمه
كنتي اللي ساعتها اللي هتستحقيها