مصــر هاتضيع لو ملحقنهاش .. مصر ضاعت علشان ملحقنهاش

انا وعدت الجميع انه مش هانزل مظاهرات تاني لأني بدور على طريقة أكثر احتراما منها في التعبير عن اعتراضي و دة علشان مهزلة 15/3 ، لكن انا مش قادرة اقعد استنى اصحابي لما يتاخدوا ادامي و من جنبي واحد واحد ، افراد النظام ولاد الكلب ناوينها و هايعدوا التعديلات بقانون مكافحة الارهاب و بتزوير الانتخابات القانوني ، حدش سمع عن التزوير القانوني اكيد لأ اهو النظام بتاعنا كدة دائما متفرد بطبيعته التحرش و التعذيب الممنهج و التزوير و الاعتقالات القانونية و لسة ياما هانشوف افتكاسات بس بجد يا نظام يا ابن ... انت افتكاساتك مقرفة و مقززة و مش قادرين بقى نتحمل اكاذيب و افتراءات و تزوير انتخابات و استغلال و فقر و مرض و بجد بقى ماعتدش قادرة اشوف وش حد من نظام مبارك أو الحزن الواطي اللاديموقراطي ، قرفنا يا خلق هووه .. احنا تعبنا منك و من شكلك يا مبارك بنقولك بقى غور انت ماتنفعش حاكم لمصر بقالك ربع قرن و من ساعة ما ممسوك الطبلة يا أخينا و انت بتقول ديموقراطية الجرعة اللي بتديهالنا كل يوم قبل ما تنام ، الله بالحق صحيح انت بتعرف تنام و انت خانق امنا كدة ، بتعرف تنام من غير ما عينيك تتعبك من غير ألم ، و لا صحيح ايه السؤال الأهبل دة أكيد طبعا المخدات الريش الناعمة هاتخليك تنام براحتك و احنا مننا ناس في الشوارع نايمين على الرصيف ، بتحلم بلقمة واحدة و انت ناهب ابونا و مجوعنا ، حسبي الله و نعم الوكيل ، و برضو مننا ناس صاحيين على فضايحك نفسهم يوروك الويل و أكيد ربنا مش هاينولك الموت كدة ان شاء الله تموت بعد عذاب لغاية ما تعرف أن الله حق ، الناس دي سهرانين يفضحوا نظامك القمعي المستبد الفاسد ، الخانع تحت اقدام الصهاينة و الأمريكان ، كفاية ذل بقى يا شيخ ، بكرة الشعب يقوم مش بكرة بكرة يعني اكيد لازم يقوم و لو ما قامش انا مؤمنة بأنه ربنا حق عدل هينتقم منك و من اعوانك و لو مكنش دة دلوقتي أو قريب يبقى اكيد احنا اللي نستاهل و نضرب بالجزمة كمان علشان احنا السبب ياريت يا مصريين بقى تعرفوا اننا السبب في فشلنا و السبب في تفشي الفساد علشان ساكتين مبنكلمش بنجري ورا لقمة عيشنا اللي ذالانا و المشكلة انه لازم نعرف اننا بنعاني في لقمة عيشنا علشان دي سياسة و علشان هم عايزين يعملوا فينا كدة ، بيلهونا و ادينا و لسة هاندفع التمن كمان و كمان ، لما ييجي ياخدوا ولادك يا مصري بدون وجه حق صدقني مالهاش بعد كدة غير الثورة ، و بكرة معادنا الساعة 12 يمكن نقدر نعمل حاجة للبلد دي و لنفسنا ... و خلاص بجد مصــر ضاعت ، عمار يا حبيبتي و العزاء ميادين مصــر و شوارعها و حواريها و سعيكم مشكووووور